Nü hiat mol aul ewaröl daut dee Schwienssäje ne Jrip vebreedt habe, waut Numma 5 oppe Jefädlichkjeits Skala haft. Daut schlemste es Numma 6, aulso es diesse Schwiesjrip, öda uck Swine's Flu aul zimlich jefädlich.

 Maun gleeft sogoa daut se nü aul en Manitoba senne saul. Enne Stäts habe see dee aul.

Wö kaun maun erkjanne dee maun dee Schwiens Jripp haft?

- Feeba

- Höste

- Kjarpa Weedoage

- Heescha Hauls

- Kopp Weedoage

- Meedichkjeit

usw

Aundre habe uck Kotze en Schietarie (ehm, Derchfaul) jehaut.

 Maun haft aulso so meist aulles waut daut sö jeift.

 Besondasch bie Kjinja ess daut wichtig, daut maun schwind nom Dockta jeit wann Odem Schwierichkjeite doa bie sent öda dee Hüt bleewlich woat.

 

 

Ekj wia sö aum rom kjikje on Youtube en fung ditt Video von Plautdietsche en Sibirien. Ekj fing daut seeja interessaunt wiels sich daut om söne Mennonite en haundelt waut damols nicht üt Russlaund ütjesiedelt wiere. Daut Video ess vom NDR produziet unja dee Titel Serie "Dee Welt opp Plaut".

 Dee NDR kjempt ewajens dissen Somma no USA en Canada en Ekj woa dee Jelejenheit habe, mie met eant persönlich tö traffe.

En Waschington oppem Fluchhowe woart eene Frü von Thailand faustjenume.  See schmuggeld eene Oap (monkey) unja eare Blüs en kaum uck derchem Zoll derchj wua see sich so deed aus wann see schwanga wie. Auss see dann oppem Fluchhowe to eenem Kleedahändla doavon aunjäwe deed, dreid sich daut spell en see en eare Mame waut ea begleite dee, woarde faustjenomme. Gypsy Lawson wia 29 Joa ölt en eare Mame 55.

enn ... dee Oap ess nu bie de Oregonsche Primate Rescue.

Hannes haud daut nieje Leed Du schockelst miene Welt von dee nieje 3molPlaut CD opp onse Teauta Feastahlung jehiet en sung daut üt vollem Hauls.

So hab Ekj daut dann opjenohme en hia kje jie daut hiere. 

Du best mien Baby
Du schockelst miene Welt
En met die en mienem Läwe
Es mien Hüs nicht sö feprellt

Du best mien Baby
Dü schockelst miene Welt
Ohne die en mienem Läwe
Haud Ekj nochmol söfehl Jelt

 

Hia bie ons em Apartment kaume jrotz so bie 10 schwoa bewaffnete schwoate Poliziste nennjestormt, naume eare Jewäre rüt en rannde dee Trappe nopp.

Aus Ekj onsem Apartment Managa fruach aus irjendeene Jefoa doa wie, säd dee "Nee, dee gaune blös met eenem Onkel fetale"

Ekj kaun mie daut schwoa feastalle daut daut dua seeja demokratisch heajegone senne waut.

Welkum bie PlautCast Plog. Meeja kjempt bolt.