Jast von BC
| 10 May 2009
Wie troffe jistre opp däm Plautdietsch Owent eene fon onse PlautCast Horjchasch. Nijch daut wie opp dee Owende kjeene aundre Horjchasch traffe, oba dit wia waut besondret. Daut Besondre aun dit wia daut see fon BC no Manitoba jekoome wia, enn sijch dee Tiet naum no onsen plautdietschen Owent te kome. Wie habe hia en poa Bilda fon ons aulla toop opp disen Owent. Hia es en betje meeja information aewa Hilda Jiatze.
Hilda Jaunze Jiatze ess eene Molarin. See word in Buenos Aires Argentinien jebuare. Hia fong se sijch aul aus Kjind aun fe Musik, Kunst en Beweajung aun te interressiere. See molt feschiedenste Bilda waut eare Emotione tem Uetdruck brinje. See molt Bilda fon feschiedenste Sache en opp feschiedeste Oaut en Wies. Eare Bilda sent foll Beweajung, en Kliere, en jiedret brinjt dee Freid en Energie aum Läwe fedäl.
See deht in latsta Tiet uck eare Familie Jeschicht no siakje. Eare Feafoare worde in Russlaunt febaunt. Ea Foda wia eene fon dee Flijchlinje waut aewa dem Amur flijchte deede. Eare Mutta kaum aunne 1929 no Paraguay fon Russlaunt. Im Moment wohnt Hilda met earen Maun Peeta in BC.
Maun finjt meea äwa eah en eare Kunst bie www.hildagoertzen.com
Subscribe to this comment's feed
Show/Hide comments
Show/Hide comment form
2010-08-25 
