Nü hiat mol aul ewaröl daut dee Schwienssäje ne Jrip vebreedt habe, waut Numma 5 oppe Jefädlichkjeits Skala haft. Daut schlemste es Numma 6, aulso es diesse Schwiesjrip, öda uck Swine's Flu aul zimlich jefädlich.

 Maun gleeft sogoa daut se nü aul en Manitoba senne saul. Enne Stäts habe see dee aul.

Wö kaun maun erkjanne dee maun dee Schwiens Jripp haft?

- Feeba

- Höste

- Kjarpa Weedoage

- Heescha Hauls

- Kopp Weedoage

- Meedichkjeit

usw

Aundre habe uck Kotze en Schietarie (ehm, Derchfaul) jehaut.

 Maun haft aulso so meist aulles waut daut sö jeift.

 Besondasch bie Kjinja ess daut wichtig, daut maun schwind nom Dockta jeit wann Odem Schwierichkjeite doa bie sent öda dee Hüt bleewlich woat.

 

 

Dee miaschte Mensche wann dee fon Mennonite en Mexico hiare, denkje aun dee Oeltkolonia Mennonite waut met Piad en Bogge foahre, en nijch stroem brucke doene. Wea dee Mexikaunische Menniste en betje beta kjannt weet daut daut uck gaunz aundre Mennonite doa jeft. Ekj fung en Video waut ewa dee Schoele en Mexico brejchte det. Dee Wieada waut doa jeschraewe sent send tswoa en Spanisch, oba dee Bilda en Videos wiese woe goet dee Schoele doa sent. En dee Komentare bie Youtube tuesche sijch en Poa Mexikauna uet, en meene doch daut dee Menniste eare Schole fleijcht beta sent aus dee Mexikauna eahre.

Ekj wia sö aum rom kjikje on Youtube en fung ditt Video von Plautdietsche en Sibirien. Ekj fing daut seeja interessaunt wiels sich daut om söne Mennonite en haundelt waut damols nicht üt Russlaund ütjesiedelt wiere. Daut Video ess vom NDR produziet unja dee Titel Serie "Dee Welt opp Plaut".

 Dee NDR kjempt ewajens dissen Somma no USA en Canada en Ekj woa dee Jelejenheit habe, mie met eant persönlich tö traffe.

 Wie hant jeheat emm latsten Plautcast video (numma 41) doat doat enn dem Chaco ajcht dräjch ess.

Ekj haud mol waut ewa dem Chaco jeheat, aus dit soo ess, doat jleewe ekj nicht guanz oba well wie mol seene woat jie doa von denkje.  Hia ess een kjleenet Märchen eva dem dräjen Chaco enn Paraguay.  

Wan de Kjie eascht aula fila (en eene Räj)  stone biem Buddelboom en dee fäaschte  Koo eascht moot to je sproake woat dua Sauft rüt te süe (wäjens doat dua soo kjeen Wota jeft) dann jeft doat aulahaunt.  Doat schmakjt dee Koo soo scheen doat dee sikj'selfst nicht mea hoole kunn enn nicht met fräte oppheare kunn.  Boolt wia dua dann een Loch emm Buddelboom.  Doat Loch wort emma jrata en met eenmol wia daut soo groot daut dee Kjie doa han en häa derjch gone deede, derjch dem Boom.  Soo läwde dee Kjie dann derjch dee dräje Tiet en dee Buddelboom storw dann toolatst auf.

 Na jo; Spos mot senne.

Tem jlekj haft doat dua wenijchstens en poa Doage trigj goot jeräant.  Fleijcht ess dua dan een Buddelboom wenja in je'foa.

 

Fe ons ess daut selbstfestaendlijch daut no dem 25 Dezemba Niejoah gaunz dijchtbie ess. Aum Iaschten Jaunua fia wie dem Aunfnag fom niejen Joah. Oba, daut wia nijch emma soe daut dee iaschta Jaunua dee Aunfaung fom niejen Joah ess.  

Niejoah word aul bie 2000 Joah fer Christus mang dee Babylonia jefiaht. Dee Babylonia fiade daut aunfaungs Fruehling, waut nue wuad med Moaz senne. Dee Egypta, Phoeniziea en Persa fiade Niejoah aunfangs Hoafst en dee Grieche, om aundasch te senne, fiade daut aunfangs Winta. 

Daut Roemische Reich waut aull fehle Joahre fer Christi Jeburt in schwung kaum, fiad Niejoah aum 1 Moaz.  Eah Kalenda haud uck mo 10 Moenate.

(Wann maun fon Moaz wieda dee Moenate tallt, en en betje roemische Zohle mangnemmt, woare eenem dee noomes fonne Moenate en bet kloara: Sept (7) fe Septamba aus sevenden Moenat, Oct (8) achta Moenat Octoeba, Nov (9) neajenda Moenat fe Novamba, en Dec (10) fe dem tieanden Moenat Decezamba.) 

Im Joah 700 Fer Christi fiahde dee Reema Jaunua en Feebua im Kalenda enn. En soe word daut nieje Joah dann aunfangs Jaunua jefiaht. Dit wia nue uck dee Dach wua dee Reemische Stautsbeaumte eahre 1 Joahsche Stautsdeenste aunfunge. 

Dee Christlijche Kjoakj haft sijch aul foake Jedanke en Sorje ewa dee groete Niejoahsch Faste jemoakt, en im Joah 567 fonge see aun Niejoah aum 25ten Deezamba (Wiehnachte) te fiehre. See hoepte daut eahre Lied dann wuade jescheida senne. 

Im Jaoh 1582 word dee moderna Kalenda enjefiaht, en niejoasch dach word wada aum 1 Jaunua faustjesat. 

Alsoe kjee jie nue in aulla Rueh aum 31 Deezamba schloope gohne, en sejcha senne, daut te mindest dit Joah, Niejoah aum iaschten Jaunua jefiaht woat.

Goden nuwent!

 

Etch kum üt dietschlond, ent sie krank. bie ons es et kolt ent not, seuer onjemutlich.

Etch wensch olla ein jeschedet Wiehnachte ent ein jesejnetet niet Joar.

Benjamin üt Dietschlond

Jistre en uck fonndoag ess doat in Winnipeg scheen kolt.  Doch'woll woat doat fe ein poa doag noch wieda so gone.  Jo wie wohne in Kanada en sehnt daut aul meist jewant.  Meist, oba nicht gaunz.  Winta ess ne scheene tiet tim büte senne oba doa send uck doag woa benne senne bähta ess.

www.ctvwinnipeg.ca

Ekj weet doat jie nicht aula in Kanada wohne, aulsoo woat doat bie jünt be'stemmt woama senne, ooda?  Saj mol, waut von wada jeft dot in Dietschlaund ooda Paraguay ooda wuaemma jie aula wohne?  Fleijcht trakje ekj auk doahan.

En Waschington oppem Fluchhowe woart eene Frü von Thailand faustjenume.  See schmuggeld eene Oap (monkey) unja eare Blüs en kaum uck derchem Zoll derchj wua see sich so deed aus wann see schwanga wie. Auss see dann oppem Fluchhowe to eenem Kleedahändla doavon aunjäwe deed, dreid sich daut spell en see en eare Mame waut ea begleite dee, woarde faustjenomme. Gypsy Lawson wia 29 Joa ölt en eare Mame 55.

enn ... dee Oap ess nu bie de Oregonsche Primate Rescue.

Onkel Dick Hiebat, Foda fon Kevin Hiebat, fon dem wie juent im PlautCast 38 fettalde sajcht sien Jung plaunt doamet sijch dee Kanaudische Autoritaete uet te leewre. Oba hee weet nijch wua Kevin sijch opphaelt.

Foda Hiebat haud jesajcht: "Daut wua ne groote Erleijchterung senne wann hee sijch uetleewre wuad. Soen Flijchtlingslaew ess nuscht fe mien Jung. Oba mien Jung haft uck nijch daut Jeld tem no Kanada reise, soe Ekj weet nijch woe hee sijch hia uetleewre wuat."

Kevin Hiebat mucht siene Stroof fe 2 Kilo Kakaine schmuggle in Kanada aufsette. Hia wuade dee om woarschienlijch eeja frielohte. 

Hannes haud daut nieje Leed Du schockelst miene Welt von dee nieje 3molPlaut CD opp onse Teauta Feastahlung jehiet en sung daut üt vollem Hauls.

So hab Ekj daut dann opjenohme en hia kje jie daut hiere. 

Du best mien Baby
Du schockelst miene Welt
En met die en mienem Läwe
Es mien Hüs nicht sö feprellt

Du best mien Baby
Dü schockelst miene Welt
Ohne die en mienem Läwe
Haud Ekj nochmol söfehl Jelt